Os docentes Bernardo Alonso Álvarez e Guillermo Rodríguez Carballide realizaron unha mobilidade Erasmus+ en Brasov, Romanía, do 7 ao 11 de xuño de 2021.
Tiveron a ocasión de visitar un centro de ensino secundario, no que un dos nosos alumnos do ciclo superior de sistemas informáticos en rede desenvolveu a súa FCT. Nese tempo o estudante adaptou a web do centro de acollida para o seu acceso dende teléfonos móbiles.
O obxectivo principal é manter o contacto co Liceul Tehnologic “Vasile Sav” en Roman, para que futuro alumnado interesado poida facer alí as súas prácticas e incluso iniciar proxectos conxuntos co departamento informático.
Romanía é un pais acolledor e fermoso, maiormente descoñecido para nós, pero que ofrece grandes posibilidades para o noso alumnado.
